Carlo Ancelotti i pakënaqur: U treguam të butë kundër Bayern Munich

Trajneri i Real Madrid, Carlo Ancelotti ishte i zhgënjyer me qëndrimin e lojtarëve të tij, duke i quajtur ata "të butë" në barazimin 2-2 ndaj Bayern Munich në gjysmëfinalen e Ligës së Kampionëve, ndeshjen e parë të martën.

"Rezultati është i mirë, por në një nivel loje ne mund të kishim bërë më mirë. Bayern tregoi versionin e tij më të mirë dhe ne nuk e bëmë. Ne duhet të përmirësohemi për javën e ardhshme.

Në pjesën e parë ne u mbrojtëm, por me pak intensitet, në pjesën e dytë kur ata kaluan në epërsi filluam të shtynim pak më shumë, por jo sa duhet. Menduam se ishim rehat, por na mungonte intensiteti. Ne u dhamë atyre shumë mundësi për të marrë kontrollin e lojës. Ne ishim të butë", tha mes të tjerash Ancelotti.

LEXO EDHE:
Zyrtare/ Befasi nga mesfushori i Real Madrid, Toni Kroos tërhiqet nga futbolli pas Europianit 2024

Lajmi kryesor:

Kroos dhe Kane më të mirët në fushë, notat e Bayern Munich - Real Madrid! Flasin Tuchel dhe Ancelotti

S.DH/Shqiptarja.com

TAG:
• champions league
• real madrid
• Bayern Munchen